“Unë jam aty për ty” Fjolla Morina e izoluar në Kukës, kush është personi që ka shkuar të takojë këngëtaren

Pas caktimit të masës së sigurisë “arrest shtëpie” për shkak se u kap me dy pistoleta në makinë teksa tentonte të kalonte kufirin, këngëtarja Fjolla Morina aktualisht ndodhet e izoluar në një banesë në Kukës.

Gjatë momentit të ndalimit nga policia Morina ndodhej e shoqëruar nga biznesmeni Fisnik Syla dhe shoferin Fitim Muji.

Ndërkohë pas ngjarjes mediat kanë ppublikuar momente të ndryshme nga shtëpia ku këngëtarja ndodhet dhe ajo shfaqej shumë e qetë.

Por së fundmi, mësohet se Fjollës i ka shkuar për vizitë kolegia e saj, këngëtarja e njohur Fifi.

Ajo e ka treguar me vepra se do ti qëndrojë gjithnjë afër mikes së saj.

Fifi ka nxjerrë në rrjetet sociale një video shumë emocionuese, ku Fjolla shihet duke folur me celular me të bijën Alayah.

Këngëtarja duket shumë e prekur, teksa përpiqet të mbajë me të mira të bijën.

“Ajo ka nevojë për vogëlushen e saj! Fjolla Morina çfarëdo që të ndodhë, kudo që jeta na përplas, në të mirë e në të keq unë jam aty për ty”, ka shkruar Fifi.

Ajo ka postuar dhe një tjetër foto me Fjollën, duke e theksuar sërish përkrahjen për të.