Në fund të konferencës me gazetarët, kryeministri Edi Rama ka komentuar dhe vendimin për hapjen e kazinove në qendër të Tiranës.
Sipas tij e gjithë situata është fryrë prej mediave, pasi ligji parashikon caktimin e një zone strategjike.
Kryeministri deklaroi se në ligj thuhet qartë se kazinotë do të lejohen në hotelet me 5 yje dhe në ato vende ku caktohen nga strategjia.
“Kjo është komplet gënjeshtër, nuk ka asnjë lëshim dore për të dhënë licensa për kazino apo për bixhoz. Është hapur vetëm një procedurë specifike, e cila lidhet me përfundimin e afatit të të vetmes kazino që ka qenë prej shumë vitesh në qendër të Tiranës.
Dhe duke pritur që dikush tjetër të ofertojë, jo se janë hapur në atë rrugë, kazinotë hapen vetëm në struktura me 5 yje, apo në zona strategjike për turistët, gjë që nuk e kemi ushtruar masivisht. Në hotelet me 5 yje po, 5 yje me brande, jo me pikturat e mia, si psh t’ia vë emrin unë Ezali (Edi, Zaho, Linda)”, deklaroi Rama.