Masat ndaj COVID19/ Rama jep lajmin e rëndësishëm për lokalet: Ja çfarë do të lejohet tani

Gjatë një takimi të zhvilluar sot me bizneset në qytetin e Vlorës, kryeministri Edi Rama ka dhënë një lajm të rëndësishëm përsa i përket masave anti-COVID19.

Duke biseduar për situatën që ndodhet biznesi dhe sesi ka ecur sezoni gjatë pandemisë, kreu i qeverisë ka njoftuar se po ditën e sotme Ministria e Shëndetësisë do të japë udhëzimet për lokale të cilat do të kenë mundësi të punojnë dhe brenda, pasi moti po ftohet dhe njerëzit do ta kenë të pamundur të rrinë jashtë.

“Sot do të dalë njoftimi i ministrisë së Shëndetësisë për hapjen brenda të lokaleve, se është problem tani që fillon koha më e ftohtë, por duke respektuar masat”, tha Rama.