Aksident i rëndë/ Makina përfundon me kokë në kanal, niset me urgjencë drejt spitalit një person

Një aksident është regjistruar pak minuta më parë në aksin nacional Berat-Urë Vajgurore, në fshatin Moravë. Një automjet, tip Benz, me targa AA O59 ZS,ka dalë nga rruga si pasojë e shiut dhe lagështirës dhe ka përfunduar në kanal.

Nga aksidenti është plagosur lehtë drejtuesi i mjetit, 52-vjeçari Vasil.K, i cili është transportuar drejt Spitalit Rajonal të Beratit, jashtë rrezikut për jetën. Në vendngjarje kanë shkuar zjarrëfikëset dhe forcat e policisë, që po kryejnë edhe veprimet paraprake për të zbardhur shkaqet e aksidentit.

Sipas burimeve të para nga vendngjarja, konfirmohet se mjeti ka qënë duke udhëtuar me shpejtësi dhe në tentativë për të frenuar ka devijuar rrugën dhe ka përfunduar në kanal,kjo edhe për shkak të lagështirës në rrugë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern