Gjetje e zgjuar/ Ja çfarë po përdor ky shtet në vend të tamponit, e zbulon COVID19 për 1 minutë

Prej muajsh tashmë e gjithë bota po përjeton pandeminë e COVID19.

Ana që ka prekur më shumë kjo situatë padyshim janë dhe udhëtimet.

Shumë prej shteteve janë duke kryer tamponët për të gjithë personat që hynë në territorin e tyre, ndërsa të tjerë mjaftohen vetëm me matjen e temperaturës.

Por në Finlandë vjen një gjetje shumë e zgjuar.

Bëhet fjalë për qentë të cilët janë të trajnuar për të zbuluar COVID19.

Madje këtë jaë ata kanë nisur të nuhasin pasagjerët si pjesë e një testi në aeroportin “Vantaa” të Helsinkit.

Një ekip vullnetarësh po trajnojnë një grup prej 15 qensh për këtë program. “Qentë janë të aftë të nuhasin koronavirusin te njerëzit pesë ditë para se ata të shfaqin simptoma”, ka thënë për Reuters, Anna Hielm-Bjorkman, profesoreshë në Universitetin e Helsinkit, e cila është drejtuese e këtij testi.

“Ata janë shumë të aftë në zbulimin e koronavirusit. Janë shumë afër zbulimit 100% të koronavirusit”, ka thënë Anna Hielm-Bjorkman.

Pasagjerët fshijnë qafën e tyre me një rrobë dhe më pas ajo nuhatet nga qeni. Ky test realizohet brenda një minute.

Megjithatë, kjo metodë në Finlandë mbetet në fazën e testimit dhe të gjithë personat kryejnë edhe tamponin.