Virologia kineze Li-Meng Yan, njihet për deklaratat e saj të forta në lidhje me pandeminë COVID19.
Duke hedhur sërish akuza në drejtim të Kinës, ajo shprehet se koronavirusi i ri është një patogjen artificial që e ka lëshuar një laborator.
“Nuk kemi të bëjmë me një virus natyror, por me një patogjen artificial të lëshuar nga një laborator”, ka thënë virologia.
Ajo ka vijuar më tej duke thënë se qeveria e Pekinit ka gënjyer për entitetin real të Sars-Cov2.
“Askush nuk po thotë të vërtetën: OBSH bashkëpunon gjithashtu me Partinë Komuniste Kineze”.
Ajo ka premtuar se do të zbulojë provat që konfirmojnë teorinë e saj: “Së shpejti unë do të botoj një raport tjetër, përveç atij që kam publikuar. Ai do të përmbajë shumë detaje specifike se si u zhvillua virusi dhe kush kishte në posedim substancat e përdorura. Në atë moment të gjithë do të mund të shohin se kam të drejtë”, ka deklaruar ajo.
Mjekja e quan pandeminë një katastrofë historike që nuk duhet të kishte ndodhur kurrë. Duke folur për mediat italiane, ajo ka treguar se kolegë të saj i thanë që të mbylle gojën dhe të fshehë të vërtetën. “Tregu i Wuhan është vetëm një justifikim, nuk ka asnjë lidhje me përhapjen e virusit,” ka theksuar Yan.