LIGJET E BIZNESIT
Ditën e sotme ka rënë në prangat e policisë pedagogu Alket Dino, i cili akuzohet se ka marrë para nga studentët në këmbim të dhënies së provimeve.
Gjithashtu sipas informacioneve është arrestuar dhe Xhevi Dervishi, i cili bënte rolin e sekserit mes pedagogut dhe studentëvve.
Pedagogu Dino punon në Univeristetin “Fan Noli” në Korçë, në Fakultetin e Shkencave Natyrore.
Ndërkohë kanë dalë dhe detajet nga arrestimi i tyre.
“Specialistët për Hetimin kundër Korrupsionit në Drejtorinë Vendore të Policisë Korçë, nën drejtimin e SPAK, bënë arrestimin në flagrancë të shtetasve:
– Alket Dino 34 vjeç, banues në Korçë (me detyrë pedagog pranë Fakultetit të Shkencave të Natyrës dhe atyre Humane) dhe Xhevi Dervishi, 35 vjeç (sekser) të dy banues në Korçë.
Shtetasit e mësipërm, janë kapur në afërsi të këtij Fakulteti me një sasi prej 300 eurosh dhe 50.000 lekë, të cilat nga hetimet e kryera dyshohet se i kanë përfituar në mënyrë të kundërligjshme nga studentët, të cilat u sekuestruan në cilësinë e provës materiale.
Materialet i kaluan Prokurorisë së Posaçme Kundër Korrupsionit dhe Krimit të Organizuar Tiranë për veprat penale “Korrupsioni pasiv i personave që ushtrojnë funksione publike”, “Korrupsioni aktiv” dhe “Ushtrimi i ndikimit të paligjshëm”, thuhet në njoftimin zyrtar të policisë.
