Pas dorëheqjes së Sinomatit/ Emërohet zv.drejtori i ri i Policisë së Tiranës

Pas dorëheqjes së Arsen Sinomatit, Altin Merizaj është komanduar zv.drejtor i Policisë së Tiranës.

Merizaj ka mbajtur disa funksione më parë si nëndrejtor i Policisë së Durrësit për Kufirin apo dhe shef komisariati në Sarandë.

Kujtojmë se Arsen Sinomati paraqiti dorëheqjen pak ditë më parë nga funksioni që mbante si nëndrejtor i Policisë së Tiranës, për Çështjet e Sigurisë. Dorëheqja erdhi pas disa ngjarjeve kriminale të ndodhura në Tiranë, edhe pse u raportua se ajo ishte paraqitur për shkaqe personale.