‘Jam rritur në një familje pa mundësi’ Xhensila Myrtezaj revoltohet si kurrë më parë: Kjo nuk i jep të drejtën askujt që të vjellë mbi imazhin tim

Këngëtarja e njohur Xhensila Myrtezaj ka bërë së fundmi një reagim që shumë pak veta e prisnin.

Ajo ka postuar disa foto të fëmijërisë, kur merrte pjesë në spektaklin “Gjeniu i Vogël”, duke sqaruar se kujt i ngjan vajza e saj Ajka.

Por këngëtarja nuk ka vendosur të ndalet me kaq, pasi me një tjetër postim iu përgjigj akuzave për operacione plastike.

Xhensila ka theksuar se fytyra dhe trupi i saj janë sot po aq të paprekur nga plastika sa dhe në atë kohë.

“Jeta është e bukur dhe kur them këtë nuk harroj të përfshij sakrificat. Nuk kam kujtime të kapura nga aparati fotografik nga periudha e fëmijërisë, sepse nuk jam rritur në një familje me mundësi për të më shkrepur foto. Imazhet e mia të para janë ato që dokumentojnë dashurinë time për muzikën, imazhe nga emisionet ku kam marrë pjesë. Kamera më ka njohur si këngëtare dhe sot më shërben si mjet i një lufte, që ashtu si çdo luftë, është e padrejtë…

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Fytyra dhe trupi im në moshën e këtij momenti pranë Alketa Vejsiut, janë po aq të paprekura nga operacionet plastike sa sot. Kam trokitur në parukeri e në palestër dhe kam dalë entuziaste për reagimin e publikut, publikun që dua ta mbush me dashurinë time. Megjithatë njerëzit kanë hedhur në erë çdo derë shpifjeje dhe unë nuk kam reaguar. Ndërkohë jam njeri dhe jam njeri publik, por kjo nuk i jep të drejtën askujt që të vjellë mbi imazhin tim (e të askujt) mërzitjet dhe mllefet personale. Shumë e shohin imazhin e Xhensilës nga kamera, por Xhensilën kur kamerat fiken e njohin vetëm të afërmit dhe miqtë.

Kam respekt për skepticizmin, kam respekt për pyetjet e sinqerta, por nuk kam respekt për fenomenin e shpifjes pa masë vetëm sepse përtohet që të vëzhgohet përpara se të flitet. Mund të shkruaj më shumë, por në fund të ditës unë mbi të gjitha flas me ata që më njohin pa bërë fjalime: me Zotin dhe me njerëzit që më duan.

Këtë postim dua ta mbyll duke ndarë dhe dy gjëra të tjera; dua të ndaj krenarinë për rrugëtimin e kësaj vajzës që i shkëlqenin sytë nga lumturia e atij momenti dhe të ndaj me fansat e mi mallin për t’iu kthyer skenës sapo muzikës t’i jepet sërish hapësirë.”, është shprehur këngëtarja e revoltuar si asnjëherë më parë.