Bënë për spital një person në mes të Tiranës/ Policia arreston 3 të rinjtë, zbardhet ngjarja e rëndë (EMRAT)

Tre të rinj janë arrestuar nga Policia e Tiranës, pasi akuzohen se kanë plagosur një person, i cili është dërguar në gjendje të rëndë në spitalin e Traumës.

Mësohet se personat që kanë rënë në pranga janë: Syrja Zeqirllari., 23 vjeç, Endi Zeqirllari 18 vjeç dhe  Redjon Çeliku, 31 vjeç, të tre banues në Tiranë.

Sipas njoftimit të uniformave blu, këta tre shtetas në bashkëpunim me njëri-tjetrin në rrugën “Mihal Grameno” më datë 09.08.2020 pas një konflikti të momentit kanë goditur me sende të forta shtetasin me iniciale K.H.

NJOFTIMI ZYRTAR I POLICISE

Zbardhet dhe dokumentohet ngjarja e ndodhur me datë 09.08.2020, ku mbeti i dëmtuar me sende të forta një shtetas.

Finalizohet nga Komisariati i Policisë Nr.1, operacioni i koduar “Kombinimi”.

Kapen dhe ndalohen 3 shtetas, autorë të dyshuar të ngjarjes, të shpallur në kërkim për veprën penale “Plagosje e rëndë me dashje e kryer në bashkëpunim”.

Si rezultat i një punë të mirorganizuar dhe të pandërprerë për dokumentimin dhe kapjen e autorëve të kësaj ngjarjeje, nga Komisariati i Policisë Nr.1 u zhvillua operacioni Policor “Kombinimi”, në kuadër të të cilit u bë i mundur, kapja dhe ndalimi i autorëve të dyshuar të kësaj ngjarjeje, konkretisht :

S.Z., 23 vjeç, E.Z., 18 vjeç dhe  R.Ç, 31 vjeç, të tre banues në Tiranë.

Këta shtetas, në bashkëpunim me njëri-tjetrin, në rrugën “Mihal Grameno”, me date 09.08.2020, pas një konflikti të çastit, për motive të dobëta kanë goditur me sende të forta shtetasin K.H., i cili ndodhet aktualisht i shtruar në spitalin e Traumës.

Materialet i kaluan Prokurorisë së Rrethit Gjyqësor Tiranë, për veprime të mëtejshme.