LIGJET E BIZNESIT
Moti i keq që përfshiu vendin dhe solli reshje shiu gjatë natës dhe në orët e para të mëngjesit, ka sjellë pasoja në disa qytete të vendit.
Kështu, breshëri që ka rënë në Konsipol ka patur një madhësi sa një top ping-pongu dhe ka mbuluar gjithë sipërfaqen e tokës.
Kryetari i bashkisë, Shuaip Beqiri, thotë se si pasojë e breshërit, janë dëmtuar shumë pemë frutore. Kështu, nga verifikimi paraprak në terren nga grupet e punës vërehet se 30% e prodhimit në agrume, mandarina e portokalle është dëmtuar, ndërkohë që dëmtimi tek ullinjtë është edhe më i madh.
Por dhe në Durrës uji është grumbulluar në rrugët e qytetit duke vështirësuar qarkullimin e mjeteve dhe duke e bërë thuajse të pamundur kalimin e këmbësorëve.
Dhe në Lezhë ka patur probleme ku është paraqitur një situatë e ngjashme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Lagja “Besëlidhja” është përballur me një situatë të vështirë nga reshjet ku rrugët janë mbuluar nga uji.
Rruga Balldren-Lezhë po ashtu është mbuluar nga uji.
Problematika janë shfaqur dhe në Berat, ku ka patur madje dhe shpërthim të ujërave të zeza në rrugët e qytetit.
Në Lushnje po ashtu, është raportuar për përmbytje të rrugëve.
