LIGJET E BIZNESIT
Pas një operacioni të organizuar nga Drejtoria Vendore e Policisë Elbasan në bashkëpunim me Interpol Tirana, ka rënë në pranga një 44-vjeçar që përdorte katër identitete.
Sipas informacioneve ai njihej si: Jorgo Wojtaszcyk, Gramoz Zeneli, Jorgo Zeneli dhe Jan Zeneli. Ky shqiptar me katër identitete ishte shpallur në kërkim ndërkombëtar nga Interpol Roma, më datë 14.09.2020, pasi Gjykata e Apelit Torinos, Itali, në vitin 2010, e ka dënuar me 6 vjet e 8 muaj burg, për veprat penale “Organizatë kriminale” dhe “Trafik i lëndëve narkotike”, parashikuar nga Kodi Penal italian.
Tashmë, 44-vjeçari i arrestuar pritet që të ekstradohet drejt Italisë, dhe Interpol Tirana, në bashkëpunim me Interpol Romën po vijojnë veprimet.
NJOFTIMI ZYRTAR I POLICISE
Vijojnë operacionet për kapjen e personave të shpallur në kërkim kombëtar e ndërkombëtar. Gjatë operacionit kapet një tjetër person në kërkim ndërkombëtar, i dënuar 6 vjet e 8 muaj burg. Operacioni nga Drejtoria Vendore e Policisë Elbasan në bashkëpunim me Interpol Tirana. Në vijim të punën për lokalizimin dhe kapjen e personave të shpallur në kërkim kombëtar e ndërkombëtar, si rezultat i shkëmbimit të informacionit mes Drejtorisë Vendore të Policisë Elbasan dhe Interpol Tirana, nga shërbimet e DVP Elbasan është bërë lokalizimi i vendodhjes , kapja dhe arrestimi provizor me qëllim ekstradimi në Itali, i shtetasit shqiptar: Jorgo Wojtaszcyk alias Gramoz Zeneli alias Jorgo Zeneli alias Jan Zeneli, 44 vjeç.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ky shtetas ishte shpallur në kërkim ndërkombëtar nga Interpol Roma, më datë 14.09.2020, pasi Gjykata e Apelit Torinos, Itali, në vitin 2010, e ka dënuar me 6 vjet e 8 muaj burg, për veprat penale “Organizatë kriminale” dhe “Trafik i lëndëve narkotike”, parashikuar nga Kodi Penal italian. Interpol Tirana, në bashkëpunim me Interpol Romën po vijojnë veprimet për ekstradimin e këtij shtetasi drejt Italisë.
