Deputeti Lefter Maliqi njihet për qëndrimin e tij kritik ndaj kryeministrit Edi Rama dhe kabinetit qeveritar.
Së fundmi ai ka folur dhe për draftin e Partisë Socialiste për listat dhe koalicionet.
Maliqi thekson se nëse Rama do ti kalojë këto ndryshime kushtetuese në Kuvend, atëherë populli duhet të rrethojë parlamentin dhe ti hedhë deputëtët në koshat e plehrave, njësoj si në Ukrainë.
Në fund ai i bën thirrje të gjithëve që të ngrihen dhe të marrin në dorë fatet e vendit.
“Rilindja e marrë fund, ti lërë lojërat me lista gjysëm të mbyllura dhe pa koalicione, por ti përmbahet marrëveshjes së 5 qershorit, me bekimin e ambasadës amerikane.
Nëse Rama dhe shpura e tij, guxon të kalojë ndryshimet kushtetuese, duke përdorur deputetët e opozitës parlamentare, i bëj thirrje popullit, opozitës së bashkuar, socialistëve të zhgënjyer, që të rrethojnë Parlamentin dhe ti hedhin në koshat e plehrave deputetët, si në Ukrainë.
Të ngrihen të gjithë dhe të marrin në dorë fatet e vendit, të shporrin këtë qeveri të kriminalizuar dhe të koprruptuar që ka marrë peng Gjykatën Kushtetuese, Gjykatën e Lartë, institucionet e shtetit, zgjedhjet, demokracinë.
Le të jetë populli ai që të godasë mafien, oligarket dhe krimin e bërë njësh me Rilindjen.
Ëndrra e Ramziut për tu bërë diktator, le të mbetet në bunkerin e tij në Surrel.
Shqipëria nuk është bunkeri i tij, por vendi i lirë i ëndrrës së studentëve të Dhjetorit drejt familjes së madhe europiane.
Pse ka kaq shumë frikë Ramziu nga listat e hapura, pse e tmerron Ramziun koalicioni opozitar?!
Në fakt, pyetja është retorike.”, shprehet Maliqi ndër të tjera.
