‘Këtu ngjallej i vdekuri e vdisnin të gjallët’ Rama sikletos kryebashkiakun e Beratit: Jepini një bojë se duket si Bathorja në 90’

Kryeministri Edi Rama ka qenë i pranishëm sot në Berat, ku ka inspektuar nga afër punimet në landfillin e qytetit por edhe disa vepra të tjera të rëndësishme.

Në momentin që po shihhte punimet e rrugës lidhëse të qytetit me Kalanë, Rama iu drejtua kryetarit të Bashkisë Ervin Demo duke i thënë se ajo zonë duhet të lyhej që të mos ngjante me Bathoren e viteve 90.

PJESE NGA BISEDA:

Ervin Demo: Segmenti i parë shkon deri në kala.

Inxhinieri: Shkon edhe më tej se kalaja. Deri te kalaja shkon që krijohet edhe rotondoja dhe aksesi për autobusin. Ndërkohë nga kalaja dhe deri në fund ku janë edhe shtëpitë e vjetra, aty do lidhet me shtrim me pllaka guri dhe do lidhet me pjesën e rrugës Mihal Komeno sepse bëhet unazë pastaj.

Ky ka qenë edhe koncepti që në fillim që është bërë që Mihal Komeno të jetë për këmbësorët dhe një atraksion për turistët, ndërkohë që kjo është rruga e aksesit për autobusët dhe makinat.

Rama: Kangjellat do të vihen gjatë gjithë rrugës apo deri aty ku janë shtëpitë?

Inxhinieri: Deri aty ku janë shtëpitë.

Rama-kryebashkiakut Ervin Demo: Edhe këto muret… Se kjo është rrugë turistike. Të paktën një bojë të bardhë që të mos jenë kështu si të bathores të viteve ‘90.

Ervin Demo: Ky segment ka një dhënë një impakt të jashtëzakonshëm që tani sepse këtu janë varrezat e qytetit dhe këtu bëhej një katrahurë e jashtëzakonshme para se të mbaronte ky segment sepse rruga ishte shumë herë më e  ngushtë dhe  e pashtruar.

Rama: E di mo se kam qenë unë këtu, ishte rrugë për tanke. Këtu ishte rrugë që ngjallej i vdekuri dhe vdisnin të gjallët që po e çonin në varreza.