Një ngjarje e rëndë ka ndodhur sot në një spital privat në Tiranë.
Mësohet se një ndihmës mjek anestezist është gjetur i pajetë nga kolegët.
Sipas njoftimit të policisë dyshohet se viktima ka humbur jetën për shkaqe natyrale.
“Rreth orës 08:35, në hollin e një spitali privat, është gjetur pa shenja jete, ndihmës anestezisti i spitalit, shtetasi M.A., 46 vjeç. Nga këqyrja paraprake nuk konstatohen shenja dhune, ku dyshohet se është vdekje natyrale”, bëjnë me dije uniformat blu.
Grupi hetimor dhe shërbimet e Policisë ndodhen në vendngjarje dhe po punojnë për zbardhjen e plotë të rrethanave të ngjarjes, shtuan të njëjtat burime.
