Një aksident i rëndë automobilistik ka ndodhur rreth orës 04:00 të mëngjesit të sotëm në lagjen nr.13 të Sarandës.
Për pasojë një infermiere e moshës 57-vjeçare, me iniciale A.R ka mbetur e plagosur.
Ajo ishte brenda ambulancës në momentin që po shkonin të merrnin një pacient.
Gjatë rrugës mjeti u përplas me një makinë të llojit “BMW X5” me targa angleze.
Drejtuesi i mjetit dhe infermierja mbetën të plagosur.
Kjo e fundit është nisur me helikopter drejt Spitalit Ushtarak në Tiranë për shkak të gjendjes së rëndë shëndetësore.
Ndërsa drejtuesi i mjetit me targa angleze po merr mjekimin në Sarandë.
Makina e tij pas përplasjes përfundoi brenda një lokali në pronësi të shtetasit E.K.
