Sapo mori detyrën/ Ministrja Kushi nxjerr videon domethënëse dhe ka një mesazh për Shahinin dhe Nikollën

Pak ditë pas marrjes së detyrës, ministrja e Arsimit Evis Kushi ka bërë një deklaratë të fortë.

Ajo publikon dhe një video ku thuhet se sipas një raporti të fundit të Bankës Botërore për arsimin, Shqipëria renditet ndër 10 vendet me përmirësim më të madh në këtë fushë.

“Shumë e lumtur ndërsa shoh raportin më të fundit Bankës Botërore, i cili analizon në mënyrë të detajuar 174 shtete nga e gjithë bota dhe e rendit Shqipërinë ndër 10 vendet me përmirësimin më të madh në arsim”, shkruan Kushi, ndërsa ka dhe një mesazh për paraardhëset Lindita Nikolla dhe Besa Shahini, duke mos harruar ti falenderojë.

“Ky raport është jo vetëm inkurajues për të çuar më përpara politikat arsimore, por edhe sfidues njëkohësisht për të përshpejtuar ritmin e reformave në arsim të ndërmarra nga 2 koleget e mia paraardhëse, Lindita Nikolla dhe Besa Shahini, falë punës së të cilave sot kemi një rritje të ndjeshme të cilësisë në arsim”, thekson ajo.