“Jemi vjedhur dhe tallur” Shpërthen protesta në Tiranë, policia ndërhyn pas tensionimit të situatës

Naftëtarët e Ballshit janë mbledhur sot për të protestuar në Tiranë përpara Ministrisë së Infrastrukturës dhe Energjisë.

Ata shprehen se kanë për të marrë 20 paga dhe janë pa punë prej 11 muajsh dhe shtojnë se janë në gjendje të vështirë ekonomike.

Protestuesit thonë se manifestimet kanë rënë në vesh të shurdhër dhe situata është bërë e padurueshme.

Por ndërsa naftëtarët janë mbledhur për të protestuar, forca të policisë kanë ndërhyrë për të mos lejuar mbajtjen e protestës, për shkak të pandemisë së COVID-19.

” Prej shumë vitesh ne, naftëtarët e Ballshit, jemi vjedhur, tallur e nëpërkëmbur nga pronarët dhe pushtetarët. Kemi thuajse 20 paga pa marrë, edhe pse i kemi fituar me gjyq. Jemi të papunë këta 11 muaj të fundit, pa bukë për fëmijët dhe familjet tona!

Ju bëjmë thirrje gjithë naftëtarëve që të bashkohen ditën e nesërme, 17 SHTATOR, ORA 11:00, PARA MINISTRISË SË INFRASTRUKTURËS DHE ENERGJISË!
Ju bëjmë thirrje qytetarëve të Tiranës të solidarizohen dhe t’na mbështesin në kërkesat tona.
BASHKOHEMI PËR TË DREJTAT TONA, PËR DJERSËN E BALLIT DHE BUKËN E FËMIJËVE!
PUNË, PAGË, PERSPEKTIVË!” – thuhej në njoftimin e naftëtarëve ku njoftohej per mbajtjen e protestes ditën e sotme.

Naftëtarët e Ballshit janë mbledhur sot për të protestuar në Tiranë përpara Ministrisë së Infrastrukturës dhe Energjisë.

Ata shprehen se kanë për të marrë 20 paga dhe janë pa punë prej 11 muajsh dhe shtojnë se janë në gjendje të vështirë ekonomike.

Protestuesit thonë se manifestimet kanë rënë në vesh të shurdhër dhe situata është bërë e padurueshme.

Por ndërsa naftëtarët janë mbledhur për të protestuar, forca të policisë kanë ndërhyrë për të mos lejuar mbajtjen e protestës, për shkak të pandemisë së COVID-19.