‘U vra për moral’ Gazetari bën deklaratën e fortë për deputetin Fatmir Xhindi: Autori ndodhet në Roskovec

Ish-deputeti i Partisë Socialiste Fatmir Xhindi u vra 11 vite më parë përpara banesës së tij në Roskovec.

Ky krim ende dhe sot e kësaj dite nuk është zbardhur, dhe nuk dihen motivet e kësaj ngjarje tronditëse.

Por së fundmi një deklaratë e fortë vjen nga gazetari Elton Qylo, i cili ka thënë se vrasja e Xhindit nuk lidhet me politikën, por për arsye morali.

I ftuar në programin “Repolitix”, ai është shprehur se janë zbuluar motivet dhe autori, por është kundërshtuar nga deputeti i Partisë Socialiste Xhemal Qefalia, i cili ishte i pranishëm në studio.

Debati i plotë:

Elton Qyno: Në rrugë operative vrasja e Fatmir Xhindit thuajse është zbardhur. Të dhënat thonë në rrugë operative se është zbardhur vrasësi, është në Roskovec dhe vetë zoti Qefalia mbase e di.

Xhemal Qefalia: Jo unë nuk e di

Elton Qyno: Sipas asaj që kam lexuar vrasja është kryer për punë morali dhe nuk ka lidhje fare për arsye politike.

Xhemal Qefalia: Po bëni një gabim trashanik, është thashethem i pabazuar. Po bëni një gabim të cilën po fyn një njeri që është vrarë në mënyrë të befasishme me statusin e deputetit. Pastaj po gaboni se ju thoni se dini motivin dhe autorin dhe drejtësia nuk po vepron.

Elton Qyno: Unë thashë që në fillim në rrugë operative

Xhemal Qefalia: Kjo që po thoni është për ta kamufluar

Elton Qyno: Jo unë e thashë që në fillim këtë, po e  keqkuptoni. Heshtët për këtë pjesë se mbase dhe vetë e dini.