Paralajmëron virologia e njohur: Kujdes, ky është vendi ku COVID19 përhapet më shumë

Gjatë një interviste për ‘La7’ virologia italiane Ilaria Capua u shpreh se më shumë sesa grumbullimet në supermarkete virusi përhapet më shumë në grumbullimet familjare të organizuara të dielave.

Sipas saj, pas valës së parë të epidemisë që ndodhi në mars / prill, sjellja e qytetarëve në shumicën e vendeve europiane, duket se ka ndryshuar.

“Tani po zhvillohet një dinamikë krejtësisht e ndryshme. Në supermarket duhet të mbrohemi në mënyrë adekuate, por ndërsa brezi i ri organizon festa e bankete dhe shkollat janë rihapur, presim një qarkullim viral më dinamik te fëmijët” – theksoi virologia.

“Ka rrezik të shtuar që më të rinjtë të infektojnë të moshuarit, të cilët zhvillojnë forma të të rënda të sëmundjes së koronavirusit” dhe tregoi se tre faktorët aktual të rrezikut janë: mjediset e mbyllura, turmat dhe ekspozim i gjatë ndaj rrezikut të infektimit.