Rudina Hajdari ka dalë e par nga mbledhja e Këshillit Politik. Me tone të ashpra, Hajdari ka braktisur tavolinën ku po diskutohet në lidhje me hapjen e listave, teksa është shprehur se ka një takim tjetër.
Përpara mediave, pas daljes nga Këshilli Politik, Hajdari u shpreh se ajo tavolinë ka probleme të mëdha.
“Sot bëra një propozim të qartë. Duhet të korrektojmë përbërjen e listave dhe të kemi barazi gjinore. Sot ishte e qartë, ajo që është problem shtë se Rama do të mbajë tepsinë e vet. Mona nuk do që t’i shqitet Lulit, ndërsa Luli do vagonin e partiçkave. Shqetësimi im kryesor janë listat e hapura si dhe një qartësim përsa i përket votës së Diasporës. Duhet të zgjidhet kjo çështje. Kërkoj deri në fund hapjen 100 % të listave,”– u shpreh Hajdari.