Nuk shkoi vetëm/ Kush e shoqëroi Ramën në Turqi

Kryeministri Edi Rama nuk ka udhëtuar vetëm drejt Turqisë. Me anë të një fotoje që ka publikuar në profilin e tij në Facebook, Rama shihet teksa pozon krah ministres së Infrastrukturës dhe Energjisë, Belinda Balluku. Kjo e fundit buzëqesh teksa janë ulur në tavolinë me Presidentin e Azerbajxhanit, Ilham Aljev.

Krah fotos, Rama shkruan se me Aljev ka biseduar për të vendosur në Turqi disa piketa mbi bashkëpunimin në sektorët e energjisë dhe turizmin. Ai gjithashtu shton se ka folur edhe për çështjen e Rafinerisë së Ballshit.

“Me Presidentin e Azerbajxhanit, mikun e mirë Ilham Aljev, vendosëm sot në Turqi disa piketa mbi bashkëpunimin në sektorët e energjisë dhe turizmin. Prekëm konkretisht edhe çështjen e Rafinerisë së Ballshit, ku së fundmi është përfshirë një kompani azere, duke kërkuar dhe marrë angazhimin e Presidetin për të ndihmuar në zgjidhjen afatgjatë të problemit të krijuar nga privatizimi famëkeq i viteve më parë,”- shkruan Rama krah fotos duke premtuar edhe zgjidhjen për protestat në Ballsh.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern