LIGJET E BIZNESIT
Pas kërkesës së Partisë Demokratike dhe kryetarit Lulzim Basha për testimin e mësuesve, ka ardhur dhe përgjigja e kreut të grupit parlamentar të PS Taulant Balla.
Ky i fundit e cilëson këtë veprim si shumë qesharak, duke argumentuar sepse lufta po bëhet me një armik të padukshëm.
“Ajo që të gjithë shqiptarët kanë dëgjuar nga doktori numër 2 i PD-së, Lulzim Basha me kërkesën që të testohen 36 mijë mësues të vendit.
Kjo duket shumë qesharake, sepse mund të bësh 36 mijë teste sot dhe nesër do të duhet të bësh 36 mijë teste, edhe pasnesër 36 mijë teste, sepse ky është një armik I padukshëm që edhe 5 minuta pasi e ke bërë testin, mund ta marrësh virusin dhe mund të bëhesh një mbartës. Nuk dua të hyj në këtë diskutim, sepse është pavlerë.
Të bësh politikë me fatkeqësinë, të bësh politikë me pandeminë, është të kesh mungesë të theksuar të intelektit minimal për të kuptuar se me çfarë kemi të bëjmë”, deklaroi Balla.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
