Ky vit i ri shkollor ka nisur me emocione të mëdha dhe për familjen e kryeministrit Edi Rama.
Djali i tyre i vogël Zaho shkon sot në klasë të parë.
Kreu i qeverisë nuk ka qëndruar indiferent duke zgjedhur të shpërndajë në rrjetet sociale një foto të të birit, shoqëruar me një urim për të gjithë fëmijët që fillojnë sot shkollën.
“Dita e parë emocion i rrallë
Zoti i bekoftë të gjithë fëmijët që sot nisën shkollën dhe i mbroftë gjithnjë bashkë me prindërit e gjyshërit e tyre të pazëvendësueshëm
Dashuri, shëndet e gëzime paçin gjithmonë”, shkruan Rama.
Nuk ka munguar një urim për Zahon edhe nga e ëma, Linda Rama.
“Zaho ne shkollë. Filloi sot një vit shkollor sfidues për fëmijët, mësuesit, prindërit. Të ndihmojmë njëri-tjetrin dhe t’i urojmë fëmijëve mbarësi në mësim, por edhe shumë lojë dhe gëzim”, shkruan Linda.
