Pamje të frikshme janë ato të cilat mbërrijnë së fundmi nga Ankaraja.
Kryeqyteti i Turqisë u godit nga një stuhi e frikshme ditën e shtunë, ndërsa zyrtarët thanë se gjashtë persona ishin lënduar si pasojë e erës së fortë.
Pamjet u shfaqën në një video të shpërndarë nga zyra e kryebashkiakut, ku dukej një re tymi gjigande që gllabëronte ndërtesat.
Ndërkohë një tjetër video e ndarë në rrjetet sociale nga drejtoria e përgjithshme e meteorologjisë, tregonte renë e madhe të pluhurit që qëndronte mbi ndërtesat e kryeqytetit por edhe shumë rrufe.
Drejtoria tha në një postim në Tëitter se stuhia e rërës dhe shiu do të vazhdonte edhe për disa orë në kryeqytetin turk, që gjatë muajit të shkuar përjetoi një thatësirë të madhe dhe temperatura si jo zakonisht të larta.
Paralajmërime për erëra të forta dhe stuhi rëre u lëshuan edhe për provincën fqinje Kirikkale, në Turqinë Qendrore.
