E diela ju gjen me plane? Zbuloni njëherë çfarë thotë parashikimi i motit

E diela e sotme vjen me një lajm të mirë për të gjithë personat që kanë bërë plane për plazh.

Mësohet se moti do të ndikohet nga kushte të qëndrueshme atmosferike, dhe pse jemi në muajin shtator.

Kështu, si për të shtunën dhe për të dielën, moti parashikohet të jetë i kthjellët në të gjithë territorin e vendit, përjashtuar vranësirat kalimtare nga orët e mesditës deri ato të pasdites në relievet kodrinore malore.

Era do të fryjë me drejtim kryesor nga kuadrati i veriut dhe shpejtësi 1-10m/s (më tepër e ndjeshme përgjatë vijës bregdetare dhe zonat luginore), ndërsa temperatuart do të vijojnë të mbeten në vlerat e ditëve të fundit. Vlerat e mëngjesit parashikohen nga 15°C në relievetmalore deri në 22°C në ato të ulta, ndërsa në vlerat e mesditës nga 30°C në relievet malore deri në 38°C në ato të ulta.