LIGJET E BIZNESIT
Mjeku i njohur pneumolog Adrian Jorgji ka bërë së fundmi një deklaratë të fortë.
I ftuar në emisionin e mëngjesit në “ABC News”, ai është shprehur se antitrupat që krijon një pacient pas shërimit nga COVID19, e humbasin fuqinë e tyre, 8 javë më vonë.
Ndër të tjera Jorgji theksoi se duhet bërë kujdes dhe për faktin se në cilën periudhë bëjmë dhurimin e plazmës së gjakut, në mënyrë që antitrupat të jenë në kulmin e fuqisë së tyre.
“Pas javës së tetë ata që e kanë kaluar, igG që është matësi i antitrupave, në një masë gati 70% fillon edhe bie. Unë do të thoja që duhet të tregohemi vigjilent në lidhje me këtë situatë. Duhet të dimë se kur ta dhurojmë plazmën e gjakut,”– tha Jorgji.
Përsa i përket virozave të stinës, mjeku shtoi se duhet treguar kujdes për ngjashmëritë që kanë ato me koronavirusin.
“Referuar familjes së COVID, është një studim gjerman me 10 persona për familjen e COVID , që janë edhe shkaktarë të të ftohurës së thjeshtë. Dhe ka rezultuar që deri në 3-4 herë në vit mund të infektohesh nga kjo familje. Theksoj se është detyrë qytetare që të tregojmë kujdes edhe nëse kemi një të ftohur të thjeshtë,”– deklaroi më tej mjeku i njohur.
