Dëshironi të jeni pjesë e “FBI-së shqiptare”? Ja ku mund të aplikoni për t’u bërë pjesë e saj

Ambasada Amerikane në Tiranë ka publikuar linkun për të gjithë ata që duan të bëhen pjesë e Byrosë Kombëtare të Hetimit, e njohur ndryshe si FBI-ja shqiptare.

Me anë të një njoftimi në Facebook, thuhet se ambasada e ShBA mbështet përpjekjen e Shqipërisë që të krijojë një sistem drejtèsie etik dhe transparent.

Në njoftim thuhet se hetuesit e BKH-së do të jenë ndër pjesëtarët më të mirëtrajnuar të organeve ligjzbatuese në vend dhe kenë një rol kyç në dhënien e drejtësisë në emër të shqiptarëve.

Njoftimi i plotë:

Shtetet e Bashkuara janë të angazhuara në mbështetjen e përpjekjeve të Shqipërisë në krijimin e një sistemi drejtësie etik, transparent dhe profesional, siç e meritojnë shqiptarët. Je pjesë e elitës që do ndihmojë në krijimin e një Shqipërie më të mirë? Hetuesit e BKH-së do të jenë ndër pjesëtarët më të mirëtrajnuar dhe më të vetuar të organeve ligjzbatuese në vend dhe do të luajnë një rol kyç në dhënien e drejtësisë në emër të shqiptarëve. Apliko këtu:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

https://bkh.al/2020/09/08/njoftim-per-shpalljen-e-konkursit-per-pozicionet-hetues-ne-byrone-kombetare-te-hetimit/