Lëvizje e fortë/ Rama mbledh që në mëngjes drejtuesit politikë të qarqeve, ja çfarë pritet të ndodhë

Një lëvizje e fortë vjen sot në mëngjes nga kryeministri Edi Rama.

Ai ka vendosur të mbledhë që në orët e para të ditës drejtuesit politikë të qarqeve në selinë e Partisë Socialiste.

Kreu i qeverisë ka zgjedhur të mbajë aktivë strukturat, në një kohë që nuk dihet ende se kur do të mblidhet Asambleja Kombëtare e PS.

Kujtojmë  se pas mbledhjes së grupit parlamentar dhe atyre me kryebashkiakët, Rama ka thirrur në takim drejtuesit politikë në qarqe, të cilët janë emra dhe figura që ishin të angazhuara në kabinetin e parë të drejtuar prej tij, por më pas u larguan dhe për vite janë në hije.

Mësohet se drejtuesit politikë sipas qarqeve do të raportojnë mbi gjendjen, sikundër presin udhëzimet nga Rama, për vijimin e procesit.

Nuk përjashtohet mundësia që në qarqet që ka pasur lëvizje të drejtuesve politikë, të ketë një ndryshim në nivelin e drejtuesve të institucioneve vendore, ashtu sikundër është paralajmëruar nga Shkodra, ku një ditë më parë ishte Ilir Beqaj.

Në Lezhë largoi Sandër Lleshajn duke rikthyer Lindita Nikollën, në Shkodër dërgoi Ilir Beqjan në vendin e Ditmir Bushatit, ndërsa qarkun e Kukësit ia besoi Safet Gjicit. Tirana, që ka numrin më të madh të mandateve do të drejtohet nga Erion Veliaj, Elisa Spiropali dhe Ervin Bushati.