Një ngjarje tragjike ka ndodhur dje në Krujë.
Mësohet se një punëtor 28-vjeçar ka humbur jetën pasi është rrëzuar nga skela.
Sipas informacioneve ai është identifikuar si shtetasi me iniciale E.G, 28 vjeç, po punonte në një ndërtim pa leje në pronësi të shtetasit L. K., nga një firmë ndërtimi me administrator shtetasin R. H., aksidentalisht ka rënë nga skela dhe për pasojë ka ndërruar jetë.
Ndërkohë policia ka rrestuar pronarin e banesës, me iniciale L.K 46 vjeç, banues në Krastë, Krujë, i dënuar më parë për veprën penale “Ndërtim pa leje”, si dhe kanë shpallur në kërkim administratorin e firmës së ndërtimit, shtetasin R. H., 39 vjeç, banues në Kameras, Fushë Krujë.
“Specialistët për Hetimin e Krimeve në Komisariatin e Policisë Krujë arrestuan në flagrancë shtetasin: L. K., 46 vjeç, banues në Krastë, Krujë, i dënuar më parë për veprën penale “Ndërtim pa leje”, si dhe kanë shpallur në kërkim shtetasin R. H., 39 vjeç, banues në Kameras, Fushë Krujë.
Procedimi penal në ngarkim të këtyre shtetasve ka filluar pasi më datë 07.09.2020, në Krastë, Fushë Krujë, ndërsa po kryheshin punime ndërtimi pa leje në banesën e shtetasit L. K., nga një firmë ndërtimi me administrator shtetasin R. H., aksidentalisht është rrëzuar nga skela punëtori shtetasi E. G., 28 vjeç, banues në Krujë, i cili për pasojë ka ndërruar jetë,”, bën me dije policia në njoftimin zyrtar.
