LIGJET E BIZNESIT
sh-deputetja Nora Malaj, e cila e ka fituar betejën me koronavirusin, ndërsa tregon se prej 16 ditësh tashmë është në gjendje të mirë shëndetësore.
E ftuar në emisionin “Ftesë në Pesë”, ajo ka rrëfyer me detaje se si filloi sëmundja dhe ndërlikimet që ka pasur.
Pavarësisht simptomave të para, nuk e besoi fillimisht se ishte infektuar, por më pas ishte përkeqësuar. Malaj thotë se nuk ishte e lehtë të kalonte gjithçka, ndërsa jep mesazhin se jeta është bukur, ndaj duhet bërë kujdes për të ruajtur veten dhe personat e dashur.
“Nëse të gjitha bëhen bashkë dhe energjia pozitive për të mbrojtur veten e vlerësuar jetën, mund të kthehet në histori suksesi dhe të mundësh pandeminë. Momenti i parë ishte data 24 korrik, ku kisha kohë që nuk ndjehesha mirë. Isha pa humor, e lodhur dhe këtë e mendoja që e kisha nga ngarkesa, izolimi, provimet me studentët dhe mendoja që më vinin nga këto. Por më filloi një temperaturë e lehtë, mendova pastaj mos kisha ndonjë infeksion të sinuseve, por ditën e 5 i thash tim biri të më merrte një antibiotik.
Nuk doja të shkoja te mjeku, nuk doja të ballafaqohesha pas humbjes së jetës së prindërve. Antibiotiku për sinusin më bëri mirë, por gjithnjë pa ditur. Në ditën e 5 më thotë im biri t’i e kupto ça problemi ke, sepse unë jam dhe diabetike. Shkova tek mjeku Pipero dhe më thotë kujdes nga diabeti. Bëra analizat, por kish bindjen që nuk e kam COVID, se ende nuk më kishte ikur shija dhe nuhatja.
Bëra analizat dhe diabetin e kisha skandal, dhe vazhdonte të ngrihej dhe kur bëja insulinën. Kur bëra skanerin, mjeku më thotë që kisha COVID të moderuar dhe më dha katër medikamente. Kisha djersë të ftohta, që i thosha tim biri si “djersët e vdekjes”. Të ikën nuhatja dh enë gojë ke një shihe si metal. Nuk ke dëshirë të hash, por vetëm të pishë dhe i kam dhënë “çmimin Oskar” dhallës.
Mjekët më thoshin të pija ujë, por nuk mundesha. Patatinat më ngacmonin për të më dhënë nj shije minimaliste. Gjithçka e ndryshuar në 28 ditë. Temperatura më ka shkuar deri në 39. Unë kalova dhe një situatë depresioni, sepse prek dhe sistemin nervorë, më dukej sikur flija me vdekjen dhe ti shikoje kalendarin dhe thoshe kaloi dhe një ditë sot”, tregon ajo.
