Merret VENDIMI/ Meta dekreton datën e zgjedhjeve, ja KUR do të mbahen

Tashmë është marrë vendimi për ditën se kur do të zhvillohen zgjedhjet e ardhshme parlamentare.

Presidenti Ilir Meta ka firmosur dekretin ku është caktuar data 25 prill 2021.

Kjo datë është vendosur dy ditë pasi ai zhvilloi një tur takimesh me të gjithë liderët kryesore të politikës në zyrën e tij në Presidencë.

DEKRETI:

PËR CAKTIMIN E DATËS SË ZGJEDHJEVE PËR KUVENDIN

Në mbështetje të nenit 65, pikat 1 dhe 2, 92 shkronja “gj” dhe 93 të Kushtetutës së Republikës së Shqipërisë, si dhe të nenit 8, 9, pikat 1 dhe 4 të ligjit nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar, si dhe pas konsultimit me partitë politike mbi caktimin e datës së zgjedhjeve për Kuvendin e Shqipërisë,

D e k r e t o j:

Neni 1

Zgjedhjet për Kuvendin të zhvillohen ditën e diel, më datë 25 prill 2021.

Neni 2

Ky dekret hyn në fuqi menjëherë.

Nr. Dekreti 11700
Tiranë, më 06.09.2020

PRESIDENTI I REPUBLIKËS

ILIR META