Ambientet e Radio Televizionit të Kosovës janë rrethuar për shkak të një kërcënimi që ka mbërritur nëpërmjet telefonit se do hidhet në erë objekti i tyre. Pranë RTK ka mbërritur edhe njësia speciale e Policisë së Kosovës, por nuk dihen ende motivet e kërcënuesve.
Për këtë ngjarje ka reaguar edhe drejtori i televizionit Ngadhnjim Kastrati dujke thënë se kërcënimi nuk do të ndalë transmetimi për të informuar audiencën rreth zhvillimeve të ditës.
Reagimi i plotë: Sot rreth orës 19:00 në numrin kontaktues të RTK-së janë pranuar disa thirrje kërcënuese nga persona anonim. Pjestarët e Mbrojtës dhe Shpëtimit nga RTK i kanë njoftuar Organet e Rendit, të cilët kanë ardhur menjëherë në vendin e ngjarjes dhe kanë nisur rastin e cilësuar si kërcënim ndaj objektit të RTK-së.
RTK nuk i di motivet e kërcënuesve dhe pret që organet e rendit të zbardhin rastin.
RTK do të vazhdojë të kryejë me përkushtim misionin e vet si transmetues publik për të informuar në kohë reale audiencën për të gjitha zhvillimet.
Vetëm gjatë ditës së sotme RTK ka pasur emision special kushtuar nënshkrimit të marrëveshjes duke trajtuar të gjithë akterët politikë dhe të shoqërisë, si dhe ka transmetuar direkt ndeshjen U21 Kosovë – Angli, të vlefshme për kualifikimet në Evropianin e të rinjve, dhe ndërkohë në RTK1 po transmeton emision special për marrëveshjet përderisa në RTK4 po e transmeton ndeshjen kualifikuese të Shqipërisë kundër Bjellorusisë
