“Ndonjë kafe, çaj?” Ramën nuk e mban vendi te Meta, çfarë nuk u pa nga takimi në Presidencë

Nuk ka zgjatur më shumë se 10 minuta takimi mes kryeministrit Edi Rama dhe kreut të Shtetit Ilir Meta në Presidencë.

Kreu i qeverisë është larguar sa hap e mbyllë sytë nga zyra e Metës, ku do të propozonte datën e tij për zgjedhjet parlamentare.

Ndërkohë Rama nuk ka preferuar as të japë ndonjë prononcim në media ku të tregonte opsionet që ka dhënë në lidhje me datën e mundshme.

Burimet bëjnë me dije se Meta dhe Rama kanë rëndë dakord për cdo lloj date, përvec asaj të dy majit pasi kremtohen Pashkët.

Rama është futur në presidencë me maskë ndryshe nga çfarë është shfaqur herët e tjera në ambiente publike pa asnjë masë mbrojtëse.

Në zyrë e ka pritur Meta, i cili në shenjë mirëseardhje e ka pyetur se çfarë do të marrë, kafe ose çaj.

Mësohet se Rama s’ka pranuar as të pijë një kafe apo çaj të cilin ia ofroi që në fillim të takimit kreu i shtetit.

Ajo që ka rënë në sy gjatë takimeve ka qenë fakti se të gjithë përfaqësuesit e partive politike që u takuan me kreut të shtetit kanë hyrë në takimin me Presidencë dhe kanë qëndruar pa maskë përpara tij edhe gjatë diskutimeve.

Ndërkohë që ndryshe ka ndodhur me kryeministrin Edi Rama dhe Sekretarin e Përgjithshëm të PS-së, Taulant Balla.

Hyrja e tyre në Presidencë është transmetuar live në Facebook e kreut të shtetit, ndërkohë që është parë që edhe gjatë fotove zyrtare Kryeministri ka qëndruar me maskë. Madje gjatë takimit s’ka patur as shtrëngim duarsh, por vetëm përshëndetje të shkurtra!

Meta: Si kaluat?
Rama: Mirë, mirë!

Duket se Rama dhe Balla i kanë qëndruar deri në fund respektimit të masave mbrojtëse, duke mbajtur maskën në ambientet e mbyllura, në ketë rast edhe në Presidencës.

Pas kësaj është ndërprerë lidhja “live” dhe media është nxjerrë jashtë, kështu takimi mes tyre ka vijuar me dyer të mbyllura, por ka zgjatur shumë pak dhe deri më tani nuk është dhënë asnjë detaj se çfarë është diskutuar.