Rikthehen rradhët e gjata në pikën kufitare të Kakavijës.
Shkak këtë herë nuk është bërë plotësimi i kuotës së kalimit por testet e koronavirusit.
Sipas informacioneve emigrantët shqiptarë me dokumente greke që shkojnë në Greqi përveç PCR testit që u tregojnë autoriteteve, janë të detyruar të bëjnë edhe tamponin në Kakavijë.
Kjo ka bërë që të ketë vonesa në këtë pikë kufitare.
Mësohet se tampon kërkohet vetëm në Kakavijë, jo në Kapshticë.
Kujtojmë se në mesin e muajit gusht në këtë zonë u krijuan rradhë kilometrike makinash.
Ishte një situatë kaotike, ku shqiptarët qëndruan 5 ditë në rradhë për të kaluar doganën.
Shkak i situatës u bë marrja e tamponit nga pala greke. Por, edhe disa ditë më parë u krijuan radhë në pikën doganore të Kapshticës, pasi u plotësua kuota prej 300 personash.