“Shihemi në botën tjetër” Zbulohet mesazhi tronditës që i la prindërve i riu që u hodh nga ‘Shefqet Ndroqi’

Vijojnë të dalin detaje të reja nga vetëvrasja e 29-vjeçarit Xhino Koça, i cili i dha fund jetës më 13 gusht pasi u hodh nga kati i tretë i spitalit “Shefqet Ndroqi”, ku ishte i shtruar nga COVID19.

Mësohet se ai kishte kohë që e planifikonte vetëvrasjen sipas disa fakteve të zbuluara që tregonin se vuante nga probleme të shëndetit mendor.

Para se të hidhej nga dritaja e spitalit, 29-vjeçari u ka dërguar një mesazh prindërve në telefon, të cilin kishte kohë që e ruante.  Në SMS-në e fundit ai shkruante se kishte vendosur t’i jepte fund jetës, pasi kishte bërë gjëra përtej limiteve të tij. “Takohemi në botën tjetër”, është mesazhi që ai u ka dërguar prindërve, shkruan Fax News.

Po kështu, kohët e fundit i riu po lexonte librin ‘Testamenti’. Ky libër mbyllet me vetvrasjen e personazhit kryesor i cili është hedhur njësoj si  29-vjeçari,  nga një lartësi e konsiderueshme.