Aida Hajnaj u emërua dje zyrtarisht në krye të BKH, e cila konsiderohet ndryshe si FBI shqiptare.
Ndërkohë duket se shefja e Byrosë Kombëtare të Hetimit është vënë në lëvizje sot, duke takuar në ambientet e Prokurorisë Speciale me kreun e SPAK Arben Kraja.
Në takimin që ka përfunduar vetëm pak minuta më parë kanë qenë të pranishëm dhe 12 prokurorët e posaçëm të SPAK, si dhe përfaqësues të Ambasadës Amerikane në Tiranë.
Mësohet se drejtuesit e dy institucioneve të reja të Drejtësisë kanë rënë dakord për intensifikimin e hetimeve për çështjet më sensitive në vend.
Pritet që BKH të hapë garën për përzgjedhjen e 60 oficerëve të Policisë Gjyqësore që do të asistojnë prokurorët e SPAK në hetimin e korrupsionit në nivele të larta.