Rikthehet ‘Vettingu’ në drejtësinë shqiptare.
Mësohet se në javën e parë të shtatorit, do të dalin para KPK dy gjyqtarë të Apelit.
Ata do të vlerësohen për 3 kriteret.
Seanca e parë do të mbahet me 2 shtator, ku subjekt vlerësimi është gjyqtarja e Apelit të Shkodrës, Vojsava Osmanaj.
Seanca tjetër do të mbahet më datën 4 shtator, kur në sitë do jetë gjyqtari i apelit Tiranë, Artur Gaxha.
Procesi i Vettingut në drejtësi hyn në vitin e tretë, ku deri më tani kanë kaluar 284 gjyqtarë dhe prokurë, përkatësisht 104 të shkarkuar dhe 118 kanë rezultuar të pastër në kriteret e vlerësimit.
Në shifrën prej 284 përfshihen edhe 35 ndërprerje procesi ose thënë ndryshe prokurorët dhe gjyqtarët kanë dhënë dorëheqje edhe pse procesi i rivlerësimit për ta kishte nisur.
Për 8 subjekte, KPK-ja ka pushuar procesin pasi ata dhanë dorëheqjen pa hyrë ligji i vetting-ut në fuqi në vitin 2017.
Në listë janë edhe 17 prokurorë dhe gjyqtarë pa vendim përfundimtar dhe këtu futen gjyqtarë dhe prokurorë, të cilët dolën në pension dhe automatikisht ata janë të larguar nga sistemi.
Komisioni i Pavarur i Kualifikimit ka një mandat 5-vjeçar dhe brenda kësaj kohe duhet të përfundojë rivlerësimi për rreth 800 prokurorët dhe gjyqtarët.
Kur ka kaluar më shumë se gjysma e afatit kushtetues në filtër kanë kaluar me pak se gjysma e njerëzve që këto 30 vite kanë dhënë drejtësi.
