I mori jetën fqinjit në oborrin e shtëpisë, gjykata lë në burg ish-ushtarakun nga Tirana (EMRI)

Gjykata ka vendosur sot të lërë në burg ish-ushtarakun Fatmir Demiri.

37-vjeçari akuzohet se ka vrarë fqinjin e tij në Tiranë për motive pronësie.

Ngjarja ka ndodhur në oborrin e shtëpisë së viktimës Dorian Latollari, 61 vjeç.

Autori e ka pranuar fajësinë dhe është shprehur se për disa konflikte të meparshme, dyshohet për konflikte pronësie, me vetëpërgjegjësi e ka goditur me sende të forta viktimën, i cili ishte fqinji i tij.

NJOFTIMI ZYRTAR I POLICISE

Ndalohet një 37-vjeçar, për veprën penale “Vrasja”.

37-vjeçari i dënuar më parë për Dezertim nga shërbimi Ushtarak.

Shërbimet e Komisariatit të Policisë Nr.3, me marrjen e njoftimit se në rrugën “Haxhi Hysen Dalliu”, në oborrin e banesës shtetasi D.L., 61 vjeç, ishte gjetur pa shenja jete, menjëherë kanë organizuar punën për zbardhjen dhe dokumentimin e plotë të rrethanave të ngjarjes.

Specialistët për Hetimin e Krimit në Komisariatin e Policisë Nr.3, nën drejtimin e Prokurorisë, pas një pune të mirorganizuar dhe hetimeve instensive bënë të mundur zbulimin e ngjarjes, dhe kapjen e autorit të dyshuar shtetasin F.D., 37 vjeç, banues në Tiranë.

37-vjeçari e ka pranuar autorsinë dhe është shprehur se për disa konflikte të meparshme, dyshohet për konflikte pronësie,  me vetëpërgjegjësi ka goditur me sende të forta duke i shkaktuar vdekjen shtetasit D.L.

Materialet do t’i referohen Prokurorisë së Rrethit Gjyqësor Tiranë, për veprime të metejshme hetimore.