Pas disa javësh të qeta dhe me shifra të ulëta infektimesh, autoritetet italiane janë vënë në alarm për një shpqrthim të një vale tjetër infeksionesh.
Shifrat në javën e fundit kanë qenë shumë më të larta se ajo që ishte menduar sipas projeksioneve, ndërsa ditët e fundit numri i infektimeve ditore ka kaluar mbi 1000.
Në 24 orët e fundit në Itali janë konfirmuar pozitiv me koronavirus 1365 persona, duke e çuar në 268.218 numrin e të prekurve në total.
Ndërkohë ditën e fundit ka patur edhe 4 viktima, me numrin e të vdekurve që nga fillimi i pandemisë që ka shkuar në 35.477.
Aktualisht Italia ka 24.205 raste aktive me koronavirus, 86 prej të cilëve janë në gjendje kritike për jetën.
