Me cigare në buzë, e moshuara kërkon emrin e saj për të votuar, dalin fotot pikante nga zgjedhjet në Mal të Zi

Ditën e sotme qytetarët e Malit të Zi kanë shprehur vullnetin e tyre për qeverinë e katër viteve të ardhshme. Votimi nisi që në mëngjes dhe përfundoi në orën 20:00.

Gjatë procesit nuk pati asnjë incident, megjithatë nga fotoreporterët u kapën disa momente pikante nga votuesit.

Një e moshuar u kap duke konsumuar cigare, ndërkohë që lexonte emrin e saj në listat e votuesve. Ndërkohë nuk ka munguar as votimi në “grup”. Një grua mësohet nga e bija të votojë, ndërsa një prind i ri ka marrë edhe të birin për të votuar.

Megjithatë gjatë votimit është vënë re më shumë pjesëmarrje në zonën jugore të Malit të Zi, ku edhe ka më shumë shqiptarë. Në këto zgjedhje partitë shqiptare garojnë në dy koalicione dhe kërkojnë dy mandate nga thuajse 24 mijë shqiptarë me të drejtë vote.