LIGJET E BIZNESIT
Kryeministri Edi Rama në reagimin e tij prej plot tre faqesh për çështjen e detit, nuk ka lënë pa thumbuar as rivalët e tij e veçanërisht kryetaren e LSI Monika Kryemadhi e cila në fakt prej kohësh nuk ka shpërthyer në sulm të ashpër ndaj tij.
Kryeministri thotë se Kryemadhi ia ka lënë ‘Peço peshkatarit’ (e ka fjalën për Petrit Vasilin) ‘grepin’ këtë herë.
“Sot po këta që e bënë atë marrëveshje antikombëtare dhe e futën edhe detin në çorbën e Shqipërisë që qeverisën, prej padijes së tyre të dhimbshme a prej shpërfilljes sportive të interesit kombëtar ose të dyjave bashkë, kanë kapur kallamat me dorë e kanë dalë për gjahun politik të radhës.
Për të mbrojtur detin nga unë!
O Zot!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Duhet të jesh peshk i trullosur komplet që ta hash karemin se Lulëzim Basha, Ilir Meta dhe Sali Berisha (shyqyr Monika ia ka lënë Peço peshkatarit grepin këtë herë, se është e zënë me skuqje karkalecash me muzikë Desperado:-), po mbrojnë sot nga unë detin që e bënë kos e dhallë, sa herë zunë dybekun me dorë. Megjithatë, fatkeqësisht, u ka zënë grepi gjithnjë peshq të trullosur dhe s’kanë faj që vazhdojnë ta hedhin përditë në detin e muhabetit publik, karemin e politikës së tyre pa din e as iman”, shkruan ndër të tjera Rama.
