Akuza për korrupsion/ Gjykata merr vendimin për drejtorin dhe specialistin e Tatimeve në Korçë

Gjykata e Posacme kundër Korrupsionit dhe Krimit të Organizuar ka caktuar ditën e sotme masat e sigurisë për drejtorin e Tatimeve në Korcë, Thoma Tontonozi si dhe specialistin e regjistrimit, Stjuart Bardhoshi. Ndërkaq, Gjykata e Posacme ka marrë vendimin që të dy zyrtarët do të qëndrojnë në arrest me burg ku mbi ta rëndon akuza e korrupsionit.

Dy zyrtarët u arrestuan dy ditë më parë në akuzën e korrupsionit në kuadër të operacionit të koduar “Tatimi”.

Hetimet për këtë procedim penal janë kryer nga Seksioni për Hetimin e Krimit Ekonomik dhe Financiar në DVP Korçë, për një muaj nën drejtimin e Prokurorit të çështjes dhe gjatë finalizimit të operacionit. Gjatë operacionit për arrestimin janë gjetur dhe sekuestruar një sasi vlere monetare dhe dokumentacion që vërteton implikimin e dy punonjësve në veprimtari korruptive.

Këta shtetas kundrejt rryshfetit u premtonin disa subjekteve për të mos ushtruar kontroll të thelluar për konstatimin e shkeljeve apo shmangieve të detyrimeve tatimore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern