LIGJET E BIZNESIT
Situate e krijuar nga pandemia ka bërë që shumë biznese të pezullojnë aktivitetet e tye të përvitshme.
Policia ka njoftuar se një lokal në Tiranë është ndëshkuar me gjobë, pasi ka organizuar dasëm kundër rregullave të koronavirusit.
Pasi janë kryer kontrolle të vazhdueshme, është konstatuar se një restorant kishte organizuar ceremoni martesore në kundërshtim me Aktin Normativ, duke mos respektuar protokollet e sigurisë.
Pronari i restorantit, shtetasi K.F. është njoftuar të ndërpresë aktivitetin, por ai e ka kundërshtuar urdhrin e dhënë. Më pas është gjobitur me 1.000.000 lekë dhe e kanë proceduar penalisht për mosbindje ndaj urdhërit të policisë.
Njoftimi policisë:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Policia e Tiranës ndëshkon me masë 1.000.000 gjobë dhe procedon penalisht pronarin e një lokali për mosbindje ndaj urdhrit të policisë, pasi u konstatua duke ushtruar aktivitet në subjektin e tij në kundërshtim me Aktin Normativ.
Sherbimet e Policisë në Komisariatin e Policisë Nr.4, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë konstatuar një restorant në të cilin ushtrohej aktivitet,duke organizuar ceremoni martesore në kundërshtim me Aktin Normativ, duke mos respektuar protokollet e sigurisë.
Shtetasit K.F., në momentin e konstatimit i është komunikuar të ndërpresë aktivitetin por nuk i është bindur urdhërit të punonjësve të Policisë duke vijuar të ushtronte aktivitetin.
Në përfundim të veprimeve shërbimet e Policisë i kanë vendosur pronarit shtetasit K.F., masë administrative prej 1.000.000 lekë si dhe e kanë proceduar penalisht për mosbindje ndaj urdhërit të policisë.
Policia e Tiranës apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
