Radhë kilometrike në Morinë, shqiptarët e Kosovës dynden drejt bregdetit

Mëngjesin e sotëm, radhë kilometrike janë krijuar në pikën kufitare të Morinës. Sipas informacioneve të deritanishme bëhet e diturse mbi 1000 makina kanë hyrë në Shqipëri, ndërkohë që shumë të tjerë janë ende në radhë.

Midis të të tjerave, mësohet se radhët kanë arritur në deri në Vërmicë, ndërsa trafiku është rënduar edhe në hyrje të Urës së Kukës, ku radha e automjeteve ka arritur deri në 1 km.

Për shkak të fluksit në doganën e Morinës po punohet me 6 sportele, për të lehtësuar sa më shumë situatën.

Ashtu si çdo vit, edhe këtë sezon veror shqiptarët e Kosovës vendosën të mos e “tradhëtojnë” Shqipërinë, duke u dyndur drejt bregdetit shqiptar.