Grabisin më dhunë kambistin, ja shumë e madhe e parave që i marrin

Policia njofton se është grabitur mbrëmjen e sotme shtetasi me iniciale B.SH. nga Prrenjasi. Ai punonte si kambist dhe persona të paidentifikuar i kanë prerë rrugën dhe i kanë marrë 10 milionë lekë të vjetra.

Grupi hetimor ka mbërritur në vendngjarje dhe janë ngritur pika kontrolli në drejtim të Pogradecit dhe Librazhdit, ndërkohë që janë shoqëruar në komisariat 8 persona.

Njoftimi i Policisë:

Rreth orës 21:00, në fshatin Katjel, Prrenjas,  persona ende të paidentifikuar dyshohet se i kanë vjedhur me dhunë një sasi lekësh shtetasit B.Sh., (kambist), banues në Prrenjas i cili ishte  duke u kthyer për në banesën e tij.

Me marrjen e njoftimit shërbimet e Policisë kanë shkuar menjëherë në vendngjarje.

Nga veprimet e menjëherëshme janë shoqëruar në Komisariatin e Policisë Librazhd 8 persona  për veprime të mëtejshme.

Grupi hetimor ndodhet në vendngjarje dhe nën drejtimin e Prokurorisë vijon punën intesive për fiksimin e çdo prove të vlefshme që do çojë në  idetifikimin dhe kapjen e autorëve të tjerë.

Ndërkohë vijon krehja e zonës dhe janë ngritur pika kontrolli në drejtim të Pogradecit dhe Librazhdit.