Kryetari i PD, Lulzim Basha i është përgjigjur menjëherë kryeministrit Rama, pasi e ironizoi duke i thënë: “Të qash për ata që vazhdojnë e hanë për djathë sapunin e PD apo të qeshësh me këtë Artist që s’e ka shokun për të bërë sikur”. Basha i kërkoi sërish transparencë për çështjen e detit duke i thënë që të “lërë dërdëllitjet dhe historitë me sapun ti ruajë se do ti duhen për më vonë’.
“Leri dërdëllitjet prej rrugaçi Edi Rama. Bëj transparencë çfarë po ndodh me negociatat për detin. Historitë me sapun ruaji se do të duhen më vonë…”, shkroi Basha.
Ndërsa Rama më parë shkroi: “Hapu det se vajmedet ka dalë të të mbrojë Lulzimi me PD! Të qash për ata që vazhdojnë e hanë për djathë sapunin e PD apo të qeshësh me këtë Artist që s’e ka shokun për të bërë sikur?Je i madh Lul, sinqerisht, shyqyr s’u more me shitje djathi se do kishim mbetur pa copën e sapunit!”
Këto deklarata thumbuese erdhën pasi opozita akuzoi kryeministrin se nuk është transparent dhe fshihet pas sulmeve e gjuhës vulgare, në vend që të tregojë të vërtetën.
