Ish-deputeti i PD-së mesazh para protestës: Shqipëria, nën një ‘grusht shteti’, në këto kushte…

Para protestës së opozitës së bashkuar ka reaguar edhe ish-deputeti i PD-së, Tritan Shehu, përmes një postimi në faqen e tij në Facebook, ai i referohet situatës në vend, e cila është sipas tij, pa parlament legjitim, vend ku ushtria merr nën kontroll aeroportin pa i dhënë më parë shpjegime Presidentit dhe ku mungojnë gjykatat.

“Shqiperia eshte nen nje “Grusht Shteti”, shkruan ai.

Më tej Shehu ka renditur të gjitha mangësitë e situatës në vend, nuk ka lenë pa përmendur edhe ministrin e Jashtëm , që sipas tij përfaqëson vendin në mënyrë anti-kushtetuese.

Postimi i Tritan Shehut

Shqiperia eshte nen nje “Grusht Shteti”!
-Sot kemi nje Parlament te mbushur me deputete pupace “te peshkuar” ne menyre anti kushtetuese nga ”thellesite” e listave, per te plotesuar vendet bosh e “ndertuar” nje opozite ne 3D.
-Kemi nje zv. Minister te Jashtem, qe po ne menyre anti kushtetuese “perfaqeson” vendin si Minister.
-Ndodh nje dislokim forcash te ushtrise e marje nen kontroll prej tyre te aeroportit civil te vendit duke refuzuar publikisht t’i ipen qofte dhe shpjegime Presidentit, detyrim kushtetues ky.
-Vendi nuk ka Gjykate Kushtetuese prej pothuajse dy vitesh, institucioni ky garant i kushtetushmerise, bazuar kjo ne Kushtetuten tone.
-Mungon Gjykata e Larte.
-Besoj se kaq mjafton, per te mos vazhduar me tej me shkelje te drejtash themeltare te njeriut, te prones, lirive, strukturimit institucional etj, etj.
Ne keto kushte mbrojtja e demokracise kthehet ne domosdoshmeri popullore.