TRAGJEDI/ Dy fëmijë po luanin me granatë, u shpërthen në duar

Një ngjarje tragjike ka ndodhur ditën e sotme në Gramsh.

Mësohet se një fëmijë 6 vjeç ka humbur jetën rrugës për në spital.

Ai ishte duke luajtur me një fëmijë tjetër 5 vjeç, teksa granata ka shpërthyer.

5-vjeçari është plagosur dhe ndodhet në spital ndërsa A.LL 6 vjeç fatkeqësisht nuk mundi t’i mbijetojë plagëve të marra.

Njoftimi i policisë:

Gramsh/ Informacion paraprak

Në fshatin Siman, Gramsh, dy fëmijë, A.Ll., rreth 6 vjeç dhe A.L., rreth 5 vjeç , në oborrin e banesës së shtetasit R.LL, duke luajtur me një granatë të vjetër, ka shpërthyer dhe si pasojë janë plagosur të dy fëmijët e mitur.

Fëmija A.Ll., ka ndërruar jetë rrugës për në Spital, ndërsa shtetasi A.L., ndodhet nën kujdesin e mjekëve.

Grupi hetimor ndodhet në vendngjarje dhe po punon për dokumentimin e plotë të rrethanave të ngjarjes.