Një ngjarje e rëndë ka ndodhur ditën e sotme në qytetin e Durrësit.
Mësohet se një 44-vjeçar ishte future me të bijën në det për t’u larë dhe më pas ishte mbytur.
Policia bën me dije se 44 vjeçari ishte futur në det bashkë me vajzën e tij 9 vjeçare për tu larë, ku si pasojë ai ka ndërruar jetë ndërsa vajza ndodhet në spital nën kujdesin e mjekëve.
Njoftimi i policisë:
Më datë 26.08.2020, rreth orës 18:00, në Rrushkull, Durrës, shtetasi Dh.B., 44 vjeç dhe shtetësja e mitur M.B., 9 vjeçe, (baba dhe vajzë), dyshohet se janë futur duke u larë në det, e për pasojë ka ndërruar jetë shtetasi Dh.B., ndërsa shtetësja M.B., ndodhet në spital nën kujdesin e mjekëve.
Grupi hetimor dhe shërbimet e Policisë, ndodhen në vendngjarje dhe po punojnë për zbardhjen e rrethanave të ngjarjes.
